Posts

Бир күлкүсүнө зарсың баланын.

Же зарлап күткөнсүң баланы, төрөлсө аны кийгизем деп ар дүкөндөн көргөндө бир тыз этип жүрөгүң, кийим тандагансың. Ар ыйлаган баланы көрүп, көзүндөгү жаш болгуң келет, эч ыйлатпай, эч муңкантпай чоңотом дейсиң баланы. Же балаң бар, бир илдети же кеми бар.  Өз өмүрүңдөн кесип, бергиң келет чүрпөңө, ал бактылуу болсун деп. Бары жогуңду алмашсам да - дарты сакайсын деп. Же күткөн кыз наристең бар, улам уулдуу болгон соң, элдер кантип кыздуу болот деп кейиткен. Анан карасаң, жаңылыкта бир наристе өлгөн же өлтүрүлгөн болот. Ата энеси арак ичирип көрүп өлтүргөн болот. Чоң энеси сабап өлтүргөн болот. Апасы түнү ичип келип, машинеге ымыркайды унутуп уктап калып, ысык өтүп өлгөн болот. Камап, сабап, тамак бербей жатып өлтүрүлгөн болот. Таяктын уусунан өлгөн болот, мээримсиздиктен өлгөн болот.    Эч дарты жок эле, сонун болуп чоңойуп келе жатып, чоңоюусу токтоп калат алардын. Үн деле укпайсың, чуу деле көрбөйсүң ар кабардан кийин чыккан көтөрүлгөн. Бир күндүк кабарларда бир нече сап мене
Post a Comment
Read more

Улуттук талантыбыз

Image
Илгери акыйнек айтып урушчу дейт . Кемсинтүү басынтууну салтка айлантып, аны улуттук каада салтка кошуп алганыбыз эле, негизи эл  катары башка элдерден канчалык улуу экенибизди албетте билдирет. Кийин сойус аркы беркиси келип, камунисттер эмгектен качканды, пикири Сталин сонун, Ленин укмуш дегенден башканы гезити радиосу менен жамандап, ар калем кармап шалбырата маданий сөгө алганга айдактатып, бу шылдыңдоо, жектөө дегенди кудайга шүгүр, кыйла эле өркүндөттүк. Кийин орустар менен ажырашканы (азыр деле анча мынчада бир түнөгөн, бирок эл көзүнө ажырашкан түгөйдөй болсок деле) сөз эркиндиги деди эле,  аны биз бирөөнү жөн жерден гөттөө эркиндиги дедик да, шатырата эле сөгүшүп кирдик. Ошентип токсондордо кемсинтип, сөгүп анан мушташа кеткен деген үч деңгээлди дароо аттадык. Эми болду го, жетээр жерибизге, кирээр тешиктин тереңине кирдик го десек, жок бар экен дагы ылдый түшчү, бу заман менен кошо ар балээси чыгып, чеги ушул дегендердин чексиз экенине да билине баштадыбы, айтор интер
Post a Comment
Read more

Туура эместер

Туура эместер Билсең да ката экенин, кагазсыз далилсиз ишенсең да, туура эместигине. Сүйсөң да "туура эмес" адамды сага, ичимдеги сезимиң жалпактап өзүңө - алдап, наалат айтып -каргап, кээде тике туруп, тартынбай тактыгынан, тунуктугунан акылдын - каршы чыгат, сүйүп башканы. Эмнеге дегенге берээр эч жообу жок, себепсиздиктерден таап бир нерсе, албууттана айгашып, ТУУРА дегенге, эт бетинен кетип ашык болуп алат. Кээде кашайтса жанды көрдүгү менен, кээде боор оорутат болбоско каршы берген утулаар күрөшү менен. Анткени сүйөм дейт... Турса да түбөлүккө деп баш кошкон жары ар күнү ашын камдап, башын жөлөп. Турса да, кыздары оролуп ойноп, уулдары улам күлүп эмерчиктеп, айланып. Болбойт, сүйөт. Башканы, туура эмести. Миң туураны бир ката менен тебелеп. Сүйүү акылдуулар үчүн эмес. https://www.youtube.com/watch?v=4PwpUTTo9YE&list=RDnVXUmbnMIFM&index=2
Post a Comment
Read more
Өмүр канча сом ия? Окуучуну сүзүп өлтүрдү, сүзүшүп өлдү, ала салып кетип.. ичиндеги 5 жашар наристе өлдү, мигрант өлдү жолдо кырсыктан. Ар күнү өлүм окуйбуз, өлүм угабыз, себеби дайыма бир - жол кырсыгы. Кандай кырсык да бул, ар күнү болсо да алды алынбаган? Кырсык десе бир болоор, эки болоор бирок бул кырсык эмес, бул деген кырылуу же кыруу го? Бул деген кырсыкты күнүмдүк жашоодогу көнүмүш адатка айлантуу го? Өлүмгө көнүү го ар күнү жолго чыкканда. Майданга чыккандай, ак кепинин камдап, мурасын айтып  ар таң менен маршруткага чыгабы шаар жашоочулары? Менин өлкөм мейли мени турак жай менен камсыз кылбасын, мейли мага балдарыма укмуш билим бере албасын, ой мейли пулу барды кудай кылбай, катардагы жаран катары кабыл ала албасын, эч болбосо көчөгө чыкканда өлтүрбөй житирбей аман сактап калса болобу? Аскеринен тартип сактоочусу бир канча эсе көп өлкөдө кандай эле жолдун эрежесин сактатууга далалат кыла албайт? Кандай эле КЫРСЫК деп, калк деле көнүп алат өлтүрүүгө? Эч болбос
Post a Comment
Read more

Силер эмне кыласыңар?

Ар күнү барактаган жаңылыктар жамандыктарды санап баштаганда, өз ордуңду бул жашоодон таппаганыңа ишенип калганда, тели теңтушту карап алар жыйнаган байлыка жете албасымды байкаганда... Үмүтсүздүк дайымкы анан көнүмүш болуп алганда мен акырын уулдарымдын улуусун кучактап, кичүүсүн боорума көтөрүп жыттап жыттап алам. Унутам баарын. Жубайымды акырын карап, бу бечара эмне болуп мени сүйүп калды экен деп, ага жеткирген тагдырыма сүйүнүп, отуруп калам. Силер эмне  кыласыңар?
1 comment
Read more

Адам боло албагандан тажоо

Тынч жашай берсең, дүйнө бул сен жашаган Кыргызстан анан телевизордогу башка өлкөлөр эле болсо, көп деле чатак жоктой. Үстүнө бир аз "шүгүр де!", "тагдыр да" дегендерди кошсок, улана берчүдөй жашоо, жакшы же жаман экени билинбей. Отуздан оогондо балким андан деле эрте, өзгөрүүгө болгон же башкача жашоо болуусу мүмкүндүгүнө ишенбей баштайсыз. Сырттан келгендердин сылыктыгын келесоолугу деп баалайсыз. Жылмайганын алдайт деп түшүнүп, кечирим сураганы түшүнүксүз сезилет. Башында акыл издейсиз, себеп издейсиз, түшүнгүңүз келет эмнеге адилеттүүлүк жок деп, кийин адилеттине рахмат айтып, деги эле адилет сыяктуу даамданган нерселер болсун дейсиз. Аны да таппайсыз, издегениңизге өкүндүртөт. Мисалы, ооруканага барсаңыз аткана сымал, көгөргөн дубалдар, ийне сайып отуруп, уатсапта ушак жазган медайымдар. Тойго жөнөгөн ооруканадагы жалгыз доктур, жалгыз наристеңиздин жаны кыйналганын көрүп, чабалактаган сизге берилген оорудан да оор, муздак жооптор: - Жалгыз эле сиздин балаң
Post a Comment
Read more

Бул доордо ата эне болуу

Бизге укмуш доордо туулдуңар, бактылуусуңар, балекетсиңер дешкен. Эмне экен, биз төрөлгөндө Совет доорунда жашап, эми окууну ортологондо өлкөбүз жетим баладай жалгызсырап өз алдынча бөлүнүп кеткен экен. Анан биз эркин өсүп, ачуу жокчулук менен чоңойуп, каалаганды окуп, көп тил билип, көп нерсе үйрөнүп чоңойуппуз. Айырмабыз болушу керек экен мурдагылардан. Эмне айырмабыз болушу керек экенин билбейм бирок артта калгандайбыз биздин ата энебизден. Мисалы мен атамдын 30 жашында көргөн 5инчи баласы экенмин, тун уулум 32 жашымда төрөлдү. Мени байкем эжекемдер жетелеп жүрүп, көптүн шары мн чоңойупмун. А үйдөгү кодоо жалгыз 3 жыл хандыгын жүргүздү.Ажатын кылаар учурун аңдып отуруп чоңойттук десек да болот. 4,5-5 жашымда тамга тааныганым үчүн Эйнштейн аталып кете сактадым эле, бу баламды энеси 2 ге чыга электе 3 алфавит, 100 дөй ийри муйру болгон иероглиф үйрөтүп койуп, менин рекордумду шым эле кылды. Кеч балалуу болгонгобу же ошол маалда бекерчи белек, айтор балалуу болоордо бир канча к
Post a Comment
Read more